Qaraǵandy ákimi Vıktor Tsoıǵa eskertkish ornatý týraly usynysty qoldady
QARAǴANDY. QazAqparat - Qaraǵandy qalasynyń ákimi Nurlan Áýbákirov ánshi Vıktor Tsoı eskertkishiniń qurylysy týraly bastamany qoldady, dep habarlaıdy «QazAqparat» HAA tilshisi.
Qala ákimi bul bastamaǵa kózqarasynyń oń ekendigin «Er Nýr & Nıka» qazaq-káris dostastyǵy qoǵamdyq qorynyń prezıdenti Ignatıı Temen kezdesý barysynda bildirdi. Osy kezdesýde eskertkishti ornatý týraly, sondaı-aq Qaraǵandydaǵy Olımpııskıı kóshesindegi saıabaqty abattandyrý jobasyn júzege asyrý jaıly memorandýmǵa qol qoıyldy.
Qaraǵandy ákimdigi men qoǵamdyq qor birlese otyryp, QR Sáýletshiler odaǵy jáne QR Sýretshiler odaǵynyń kómegimen osy jobany iske asyrýǵa konkýrs jarııalady.
