Qaraǵandy ákimi toǵyz avtoparkke sońǵy ret eskertý jasady
QARAǴANDY. QazAqparat - Turǵyndardyń avtoparkterdiń ústinen túsirip jatqan shaǵymynan sharshaǵan Qaraǵandy ákimi qaladaǵy toǵyz jolaýshy tasymaldaýshylarǵa uıǵarym jibergen, dep habarlaıdy «QazAqparat» HAA tilshisi.
«Uıǵarym - jolaýshylar tasymaldaý erejeleriniń buzylýy, baǵdarlardyń qozǵalys kestesiniń saqtalmaýy jáne avtobýstardyń tehnıkalyq jaǵdaıynyń nashar bolýyna qatysty qala turǵyndarynyń kóptegen shaǵymdaryna baılanysty resmı túsinikteme», - dedi Qaraǵandy ákiminiń keńesshisi Rýslan Telegın.
Kólik kásiporyndary basshylarynyń barlyǵyna buzýshylyqqa qatysty shara qoldaný jáne jumys nátıjeleri týraly jazbasha habarlaý tapsyryldy.
Bul uıǵarymdy eskermegender - júrgizýshilermen, kondýktorlarmen jumys istemeı, avtobýstardy jóndemeı jáne salondarda sanıtarlyq tazalyq jumystaryn júrgizbegender qatal sanktsııaǵa ushyraıdy.
«Talaptardy oryndamaǵan jaǵdaıda, baǵdarlardy sýbsıdııalaý toqtatylyp, bólingen qarjy bıýdjetke qaıtarylmaq», - dep habarlady ákimdiktiń ókili.
