Qaraǵandynyń Shet aýdanynda TJ rejımi engizildi
ASTANA. KAZINFORM — Shet aýdanynda energııamen jabdyqtaý jaǵdaıyna baılanysty jergilikti aýqymdaǵy TJ rejımi engizildi, dep habarlaıdy Qaraǵandy oblysynyń ákimdigi.
Oblys ákimdigi atap ótkendeı, «Shet-Energo» «Jezqazǵan elektr taratý jelisi kompanııasy» AQ-nyń elektr energııasyn berý jónindegi talaptaryn oryndamaıdy.
— Osyǵan baılanysty aýdanda elektr qýatyn berýge shekteý qoıyldy. «Shet-Energo» kóp jyl boıy elektr jelilerin jańǵyrtýǵa qarajat salǵan joq. Bul energııamen jabdyqtaýdyń júıeli irkilisterine ákeldi. Turǵyndar jıi óshirilýden zardap shegedi, tek jaryqsyz ǵana emes, jylýsyz da qalady. Turaqty eskertýlerge qaramastan, «Shet-Energo» qyzmetteriniń sapasy jaqsarmaı tur. Aýdan ákimdigi elektr energııasyn berýdi qalpyna keltirý úshin jergilikti aýqymdaǵy TJ rejımin jarııalady, — delingen habarlamada.
Ákimdik taratqan aqparatqa sáıkes bul qadam energııamen jabdyqtaý salasynda tártip ornatýǵa, sapaly qyzmetterdi qamtamasyz etýge baǵyttalǵan.
Osyǵan deıin Qaraǵandy oblysynda boryshkerlerge nesıelerin óteýge kómektesetini anyqtaldy.