Qaraǵandynyń barlyq saıabaqtarynda tegin WI-FI qosylady

QARAǴANDY. KAZINFORM – Qaraǵandy saıabaqtary men gúlzarlarynda tegin WI-Fi paıda bolady. Bul týraly oblys ákimi Ermaǵanbet Bólekpaev oblys ortalyǵynyń turǵyndarymen kezdesý barysynda málimdedi, dep habarlaıdy Kazinform agenttiginiń tilshisi.

Qaraǵandyda turǵyndar úshin qolaıly qalalyq orta qurý boıynsha jumystar jalǵasyp jatyr. Saıabaqtarda tegin Wi-Fi qosý kózdelip otyr.

– Bizdiń maqsatymyz – Qaraǵandyny jaıaý serýendeýge barynsha yńǵaıly etý. Bul rette bizge óz usynystaryn jasap, jobalaryn ázirlep jatqan ýrbanıster kómektesip otyr. Bıyl jeti alań abattandyryldy. Ońtústik-Shyǵystaǵy Saryarqa gúlzaryn abattandyrý boıynsha iri jobaǵa erekshe nazar aýdaramyz. Jumystar áli aıaqtalǵan joq, kelesi jyly bul alań qala turǵyndary úshin jańa tartý núktesi bolýy tıis, – dedi óńir basshysy.

Ermaǵanbet Bólekpaev qala ákimdigine barlyq aýdandardyń gúlzarlary men saıabaqtarynda qysqy demalys uıymdastyrýdy tapsyrdy. Eger aýa-raıy qolaıly bolsa, jeti muz aıdyny quıylady. Saryarqa kóshesindegi saıabaqta muz aıdyndary men syrǵanaqtar paıda bolady.
Esterińizge sala keteıik, qys mezgilinde Qaraǵandy saıabaqtarynda 7 muz aıdyny jumys isteıtin bolady. Saıabaqtar basqarmasynyń mamandary sý quıyp, daıarlap jatyr.