Qaraǵandylyqtar et sapasyn QR-kod arqyly teksere alady
ASTANA. KAZINFORM – Qaraǵandy oblysynyń tutynýshylary endigi jerde qandaı etti satyp alyp jatqanyn tórt túlik týraly tolyq aqparat ornalastyrylǵan QR-kod arqyly bile alady. Ol úshin satýshydan veterınarııalyq qyzmet aktisin talap etý qajet.
Mal eti sórege jetpes buryn jiti veterınarlyq-sanıtarlyq tekserýden ótpek. Veterınarlar QR-kod qoldanylatyn pılottyq joba týraly aıtyp berdi.
«Bizdiń mindetimizge ishki saýda obektilerine keletin barlyq ónimderdi baqylaý jáne qadaǵalaý kiredi. Bul rette, mal eti tıisti talaptardan ótkennen keıin ǵana dúkenderge jóneltiledi. Satyp alýshynyń satýshydan vetsanekspertıza aktisin talap etýge quqyǵy bar. QR kod arqyly úı janýary týǵan ýaqyttan bastap soıylyp, sórege jetkenge deıingi bar aqparatty bile alady. Atap aıtsaq, maldyń qojaıyny kim boldy, janýar qandaı vaktsınalar aldy, ony qalaı soıdy jáne t.b. aqparattar qamtylǵan», - dep túsindirdi Qaraǵandy veterınarııalyq ınspektsııasynyń bas mamany Jasqanat Seıdahmetov.
Aýrý janýarlar anyqtalǵan jaǵdaıda olar arnaıy obektilerde 15 kún ishinde sanıtarlyq soıýǵa jatady. Maldy tapsyrǵan ıelerine ótemaqy qarastyrylǵan. Naqtylasaq, 30% jergilikti bıýdjet esebinen, 70% - aýrý janýarlardy alyp ketetin óńdeý kásiporny esebinen beriledi.
