Qaraǵandylyq jas kompozıtorlar Olımpıada oıyndaryna qatysýshylarǵa kúı arnady

ASTANA. KAZINFORM — Qaraǵandylyq jas kompozıtorlar Jánibek Qazbekuly men Beksultan Imashev Parıjdegi HHHІІІ jazǵy Olımpıada oıyndarynda Qazaqstan atynan qatysyp jatqan sportshylarymyzdy qoldaý maqsatynda «Namys» kúıin shyǵardy.

Mýzykanttardyń aıtýynsha, bul kúı jastarymyzdyń patrıottyq rýhyn kóterý úshin shyǵarylǵan.

«Qazaqstandyq sportshylar el namysyn laıyqty qorǵaǵan sát shabyttandyryp, kúıdiń týyndaýyna sebep boldy», — dedi Jánibek Qazbekuly.

Olar el namysyn qorǵap, Qazaqstan týyn kótergen Eldos Smetov, Nazym Qyzaıbaı, Nurbek Oralbaı, Narıman Qurbanov, Demeý Jadyraev, Gýsman Qyrǵyzbaev, Aleksandra Le jáne Islam Sátbaevqa «Namys» kúıin arnady.