Qaraǵandylyq qajylar Vatıkanda Rım Papasynyń batasyn aldy
ASTANA. KAZINFORM — 24 tamyz kúni Qazaqstannan barǵan otyz qajy Áýlıe Petr alańynda ótken jeksenbilik «Angel Gospoden» duǵasyna qatysty, dep habarlaıdy vaticannews.
Sol jerde Rım Papasy Lev XIV olarǵa: «Qaraǵandydan (Qazaqstan) kelgen qajylardy qarsy alamyn», — dep sálem joldady.
20-24 tamyz aralyǵynda Qazaqstannan kelgen otyz qajy — olardyń kópshiligi Qaraǵandy eparhııasynan — Italııaǵa sapar shegip, Mereıtoılyq jyldyń mańyzdy sátterin bastan keshirýge múmkindik aldy. Eń kishkentaı qajynyń jasy nebári on aı bolǵan.
Qajylar tórt papalyq bazılıkanyń kıeli qaqpalarynan ótip, Shirkeý tarıhymen baılanysty oryndarda duǵa etti.
Eske sala keteıik, 3 tamyzda Rımniń shetinde Vatıkan uıymdastyrǵan Halyqaralyq jastar kúni úlken dinı rásimmen aıaqtaldy. Rım Papasy Lev XIV ótkizgen messaǵa qatysý úshin Tor-Vergata aýdanynda álemniń 146 elinen 1 mıllıonnan astam jas dindar jınaldy.