Qaraǵandylyq áıel aıazda sábıin kóshege tastap ketken

QARAǴANDY.  KAZINFORM -  Qaraǵandyda polıtsııa tastandy náresteniń anasyn izdep jatyr.

ІІM baspasóz qyzmetiniń málimetinshe, jedel basqarý ortalyǵyna er azamat qońyraý shalyp, Ońtústik-Shyǵys aýdanyndaǵy kóp qabatty úılerdiń biriniń dálizinde jas náresteniń jatqany týraly habarlama túsken. 

Foto: @POLICE_of_KZ

Oqıǵa ornyna jedel jetken tártip saqshylary balany úsik shalýdan aman saqtap qaldy.

Qazirgi ýaqytta polıtsııa qyzmetkerleri onyń anasyn jáne oqıǵanyń mán-jaıyn anyqtap jatyr. Náreste jedel járdem qyzmetkerlerine berildi.

Atalǵan derek boıynsha qylmystyq is qozǵaldy.