Qaraǵandydaǵy saıabaqta attraktsıon qulap, áıel men bala zardap shekti

QARAǴANDY. KAZINFORM – Qaraǵandyda Ortalyq mádenıet jáne demalys saıabaǵynda «tikushaq» attraktsıony qulady. Nátıjesinde áıel men bala zardap shekti, dep habarlaıdy Kazinform tilshisi.

«Qaraǵandy qalasynyń ortalyq saıabaǵynda „tikushaq“ attraktsıonynyń qulaýy oryn aldy. Bir áıel men bala zardap shekti. Zardap shekkenderge medıtsınalyq kómek kórsetildi. Attraktsıon jeke menshikte. Menshik ıesinde barlyq paıdalaný qujattary bar. Maýsym bastalar aldynda attraktsıon saraptamadan ótti», - dep habarlady Qaraǵandy qalasynyń Saıabaqtar basqarmasy.

Tergeý amaldary júrgizilýde, qylmystyq is qozǵaldy.

«Qaraǵandy qalasynyń Ortalyq mádenıet jáne demalys saıabaǵynda bolǵan oqıǵa boıynsha Qazaqstan Respýblıkasy Qylmystyq kodeksiniń 306-baby, 2-tarmaǵy boıynsha qylmystyq is qozǵaldy. Qazirgi ýaqytta oqıǵanyń mán-jaıy anyqtalýda», - dep málimdedi Qaraǵandy oblysy polıtsııa departamentiniń baspasóz qyzmeti.