Qaraǵandydaǵy saýda úıinen 40 jastaǵy er adamnyń máıiti tabyldy

QARAǴANDY. KAZINFORM — Qaraǵandydaǵy saýda úıleriniń birinde qaıǵyly oqıǵa boldy. Ǵımarat ishindegi bólmelerdiń birinen er adamnyń máıiti tabylǵan. Aldyn ala boljam boıynsha, ony alǵash bolyp kúzetshi baıqaǵan.

polıtsııa
Foto: Vıktor Fedıýnın/Kazinform

Qaraǵandy oblysynyń polıtsııa departamenti oqıǵanyń 16 qarashada bolǵanyn málimdedi.

— Atalǵan fakti boıynsha sotqa deıingi tergep-tekserý bastaldy. Qazirgi ýaqytta oqıǵanyń mán-jaıy anyqtalyp jatyr, — dep habarlady vedomstvonyń baspasóz qyzmeti.

Aldyn ala málimet boıynsha, marqum 40 jasta bolǵan. Quqyq qorǵaý organdary oqıǵanyń barlyq mán-jaıyn anyqtap jatyr.

Eske salaıyq, buǵan deıin Aqtóbede janar-jaǵarmaı jelisiniń dırektory Aıbolat Jısovty óltirdi degen kúdikpen qala turǵyny ustalǵanyn habarlaǵanbyz. Qazir tergeý jalǵasyp jatyr.