Qaraǵandydaǵy polıtsııa pýnktindegi oqıǵa boıynsha qyzmettik tekseris bastaldy

ASTANA. KAZINFORM — Іshki ister mınıstriniń orynbasary Sanjar Ádilov Qaraǵandydaǵy polıtsııa pýnktinen áıeldiń máıitiniń tabylýy oqıǵasyna qatysty pikir aıtty. 

— Bul oqıǵa boıynsha qylmystyq is qozǵaldy. Arnaıy tergeý tobyn qurdyq. Іshki ister mınıstrliginiń Ózindik qaýipsizdik departamenti de osy iske jumyldyryldy, ıaǵnı qyzmettik tekserýdi de júrgizip jatyrmyz. Búgin sot-medıtsınalyq saraptamanyń ótkizilýin kútip otyrmyz, sondyqtan bul is boıynsha barlyq qajet tergeý áreketi júrgiziledi, — dedi Sanjar Ádilov Parlament Májilisinde tilshiler suraǵyna jaýap bere otyryp.

Onyń aıtýynsha, aýmaqtyq polıtsııa departamentiniń kez kelgen laýazymdy tulǵalarynyń kinási dáleldense, olarǵa qatysty eń qatań tártiptik sharalar qoldanylady.

Budan buryn habarlanǵandaı, 1 qazan kúni Qaraǵandyda polıtsııanyń bir tirek pýnktinde áıel adamnyń máıiti anyqtaldy. Oqıǵa ornynda es-tússiz jatqan polıtseı qyzmetkeri de bolǵan. Ol dereý medıtsınalyq mekemege jetkizildi.