Qaraǵandydaǵy basty mereke: Qarmet Kenshiler kúnin qalaı atap ótedi
QARAǴANDY. KAZINFORM – Qaraǵandy oblysy úshin Kenshiler kúni – eń basty merekelerdiń biri. Óıtkeni dál osy óńirde elimizdiń iri kómir kásiporyndary shoǵyrlanǵan. Bıyl merekege oraı taý-metallýrgııa kompanııasy Qarmet aımaq jurtshylyǵyna buryn-sońdy bolmaǵan aýqymdy baǵdarlama ázirledi. Kórermenderdi juldyzdy kontsertter, túrli tosynsyılar men utys oıyndary kútip tur.
Qaraǵandy men Qarajaldaǵy merekelik sherý
30 tamyzda merekelik dýman birden eki qalada bastaý alady. Qaraǵandynyń bas alańy úlken sahnaǵa aınalyp, turǵyndar men qonaqtar súıikti ártisterdiń ónerin tamashalaıdy. Kesh qonaqtaryna AYAU, Sadraddin, «Irına Kaıratovna» toby, sondaı-aq basty tosynsyı – reseılik juldyz Zivert án shyrqamaq. Ánshiniń Qaraǵandydaǵy alǵashqy kontserti tyńdarmandar arasynda erekshe qyzyǵýshylyq týdyryp otyr: qalaǵa Qazaqstannyń túkpir-túkpirinen jankúıerler aǵylyp kelýde. Qonaqúılerde bos oryndardyń bolmaýy sharanyń mańyzdylyǵyn dáleldeıdi.
Sol kúni merekelik kóńil-kúı Ulytaý oblysynyń Qarajal qalasyn da qamtıdy. Munda, «Batys Qarajal» shahtasy janyndaǵy Qarmet Órken-Atasý ókildiginiń sahnasynda, qazaqstandyq estradanyń tanymal ártisteri – Álı Oqapov, Urker toby jáne Dılnaz Ahmadıeva óner kórsetedi.
Kenshiler qalalaryna jetken án-dýman
31 tamyzda mereke Shahtınsk, Saran jáne Abaı qalalarynda jalǵasady. Bul qalalardyń orny bólek: munda Qarmet kompanııasynyń jeti shahtasy men baıytý fabrıkasy jumys isteıdi. Osy kúni turǵyndarǵa Alem, Aıqyn jáne Maqpal Isabekova ánnen shashý shashady.
Árbir kontsert – tek kóńil kóterý emes, kún saıyn jer astyna túsip, qaýipti ári aýyr eńbekti arqalap júrgen kenshilerge arnalǵan qurmettiń kórinisi. Án keshteri sońynda aspandy túrli-tústi otshashýlar jarqyratyp, turǵyndarǵa qýanysh pen birlik syılaıdy.
Kórermender úshin tosynsyı – PlayStation 5 utysy
Qarmet kompanııasy merekeni odan saıyn este qalarlyq etý úshin erekshe syı usynbaq. Kontsert ótken barlyq qalada Sony PlayStation 5 utysy jarııalanady. Qatysý sharttary qarapaıym:
- kompanııanyń @qarmetpress resmı paraqshasyna jazylý;
- óz qalasyna qatysty jazbanyń astyna eki dosyn belgileý;
- kontsertten foto nemese beıneni storıske nemese paraqshańyzǵa jarııalap, @qarmetpress akkaýntyn belgileý.
Jeńimpazdar esimi 2 qyrkúıekte kompanııa paraqshasynda tikeleı efırde belgili bolady. Bul turǵyndarǵa merekelik áser ǵana emes, zamanaýı syılyqqa ıe bolý múmkindigin de beredi.
Kenshilerge taǵzym
Qarmet úshin Kenshiler kúni – jaı ǵana mereke emes. Bul – eldiń energetıkalyq qaýipsizdigin qamtamasyz etip otyrǵan, aýyr eńbektiń maıtalmandary – kenshilerge degen shynaıy alǵys pen qurmet.
«Kenshiler kúnin atap ótý – olardyń eńbegine rızashylyq bildirýdiń aıǵaǵy, qurmettiń belgisi ári tutas bir aımaqty biriktiretin mańyzdy sát», – deıdi kompanııa ókilderi.
Aýqymdy kontsertter, otshashýlar men tosynsyılar – munyń barlyǵy Qaraǵandy men Ulytaý oblystarynyń turǵyndaryna qýanysh pen maqtanysh syılaıtyn úlken merekeniń quramdas bóligi.
Qarmet uıymdastyrǵan Kenshiler kúni – bul eńbek pen dástúrdiń merekesi, urpaqtar sabaqtastyǵyn saqtaıtyn, qalalardy, otbasylardy jáne tutas qoǵamdy biriktiretin kún.