Qaraǵandydaǵy 149 kópshilik demalys ornynyń 80-i sanıtarlyq talapqa saı emes – Premer

ASTANA. KAZINFORM – Premer-mınıstr Oljas Bektenov Úkimet otyrysynda óńirlerde týrızmniń baıaý damyp jatqanyna ınternet sapasy da keri áser etip jatqanyn aıtty.

- Týrıstik aımaqtarda júrgizilgen keshendi tekserýler bul salada áli de júıeli máselelerdiń baryn anyqtady. Kóptegen nysandarda ınternet sapasy nashar. Jumystar áli josparlanyp jatyr nemese qarqyny óte baıaý, - dedi Premer-mınıstr.

Úkimet basshysy BAQ pen áleýmettik jelide sanıtarııalyq-epıdemıologııalyq talaptardy buzý faktileri jıi kóteriletinin atap ótti.

- Kóptegen kásipkerler qaýipsizdik talaptaryna sáıkestigi týraly qorytyndy qujattardy kerek qylmaıdy. Máselen, Qaraǵandy oblysynda qazirgi tańda 149 kópshilik demalys ornynyń ishinde 80 nysan ǵana sanıtarııalyq-epıdemıologııalyq qyzmetterdiń qorytyndysyn alǵan. Al, 28 jaǵajaıdyń tek 3-ne tıisti qorytyndy berilgen, - dedi Oljas Bektenov.

Sondaı-aq, ol «Kazakh Tourism» ulttyq kompanııasy» aktsıonerlik qoǵamynyń basqarma tóraǵasy Talǵat Ǵazızovke laýazymyna laıyq ekenin dáleldeý úshin nátıje kórsetý kerektigin eskertti.