Qaraǵandyda jylý qubyryndaǵy aqaý joıylyp jatyr

Qaraǵandyda jylý trassalarynyń birinde aqaý paıda boldy. Qazirgi ýaqytta kommýnaldyq qyzmetter aqaýdy joıýmen aınalysyp jatyr, dep habarlaıdy Kazinform agenttiginiń tilshisi.

Áleýmettik jelilerde Jambyl kóshesindegi jylý trassasynyń qubyrlarynan bý shyǵyp jatqany týraly beınejazba paıda boldy. Qaraǵandy qalasynyń ákimdigi atalmysh kóshedegi úılerdiń jylýyna áser etpeıtin aqaý shyqqanyn málimdedi.

«Jylý jelisinen aýany shyǵarýǵa arnalǵan klapanda shamaly aqaý paıda boldy. Qazirgi ýaqytta brıgada jumys isteýde, aqaý bir saǵat ishinde joıylady. Jylytý sapasyna bul aqaý áser etpeıdi», — dep habarlady Qaraǵandy ákimdiginiń baspasóz qyzmeti.