Qaraǵandyda jeńil kólik poıyzdyń astyna túsip, eki adam kóz jumdy

QARAǴANDY. KAZINFORM - Qaraǵandyda avtokólik júrgizýshisi jabyq shlagbaýmdy elemeı, temir jolǵa shyǵyp ketip, jol-kólik oqıǵasyna sebepker boldy. Apat saldarynan eki adam qaıtys boldy, taǵy úsheýi aýrýhanaǵa jetkizildi.

Apat búgin, 21 qańtarda tańerteń boldy.

"31 jastaǵy "Lada Prıora" avtokóliginiń júrgizýshisi Saran tas jolymen Kostenko shahtasy jaǵynan “Toıota ortalyǵyna" qaraı kele jatyp, retteletin temirjol ótkelinde jabyq shlagbaýmdy aınalyp ótip, teplovoz júrip bara jatqan temirjol ótkeline shyǵyp ketken. Apat saldarynan avtokóliktiń eki jolaýshysy oqıǵa ornynda qaıtys boldy. Avtokóliktiń júrgizýshisi jáne taǵy úsh jolaýshy medıtsınalyq mekemege jetkizildi", - dep habarlady Qaraǵandy oblysy PD baspasóz qyzmeti.

Atalmysh is boıynsha sotqa deıingi tergeý bastaldy. Teplovozdan beınebaqylaý kameralarynyń jazbalary alyndy. Tıisti saraptamalar taǵaıyndaldy.