Qaraǵandyda jedel járdem júrgizýshisin urǵan jigittiń soty búgin onlaın ótedi

QARAǴANDY. KAZINFORM — Búgin Qaraǵandyda taǵy bir atyshýly is onlaın rejımde qaralady. 

Joǵarǵy sot respýblıka boıynsha sot otyrystaryn tikeleı efırde ótkizý praktıkasyn jalǵastyryp jatyr.

Qaraǵandy qalasynda jedel járdem júrgizýshisine kúsh qoldaný arqyly buzaqylyq jasaǵan adamnyń sotynyń jalǵasy Qaraǵandy qalasynda, búgin, 17 maýsym saǵat 11:00-de ótedi.

Sot protsesiniń onlaın-translıatsııasyn Joǵarǵy sottyń YouTube-arnasynan myna siltemede kórýge bolady. 

Eske sala keteıik, bıyl 27 qańtarda er adam naýqasqa kelgen dárigerler brıgadasynyń júrgizýshisimen sózge kelip qalyp, judyryq ala júgirgen bolatyn.

Bul janjalǵa er adamnyń aýla jolymen óte almaǵany sebep bolǵan. Sosyn ol qashyp ketti. 

Depýtat Elnur Beısenbaev jedel járdem júrgizýshisin soqqyǵa jyqqan kúdiktini tez arada tabýdy talap etti.

1 aqpan kúni jedel járdem júrgizýshisin urǵan er adam ustaldy.

Keıinnen Іshki ister mınıstrligi kúdiktiniń jazasyz qalmaıtynyn jetkizgen bolatyn.