Qaraǵandyda janarmaı urlaǵan mashınıster sottaldy

ASTANA. KAZINFORM – Qaraǵandy aýdandyq soty Qaraǵandy paıdalaný lokomotıv deposynyń teplovozdarynan dızel janar-jaǵarmaıyn urlap, keıin ony qaıta satýmen aınalysqan 11 adamǵa qatysty úkim shyǵardy.

Bas prokýratýra málimetinshe, sotta memlekettik aıyptaýshy 2024 jyldyń mamyr aıynan maýsym aıy aralyǵynda qylmyskerler aldyn ala sóz baılasý arqyly, qyzmettik jaǵdaılaryn paıdalana otyryp, zańsyz áreket jasaǵandaryn dáleldedi. Olar jol júrý barysynda 22,5 tonnadan astam dızel otynyn urlap, 7 mln teńgeden astam shyǵyn keltirgen.

Sot olardy kináli dep tanyp, bas bostandyǵyn shekteý jazasyn taǵaıyndady.

Úkim zańdy kúshine endi.

Aıta keteıik, Qazaqstanda taǵam, janarmaı, lıftige qatysty tehnıkalyq reglament qaıta qaralady.