Qaraǵandyda zańsyz jekeshelendirilgen mektep ǵımaraty men jer telimi memleketke qaıtaryldy

ASTANA. KAZINFORM – Qaraǵandy oblysynyń mamandandyrylǵan aýdanaralyq ekonomıkalyq soty prokýratýranyń talap-aryzy negizinde №16 orta mekteptiń qos qabatty ǵımaraty men 1 gektardan astam jer telimin satý-satyp alý mámilelerin jaramsyz dep tanydy.

Sotqa júginýge mekteptiń aýdany 1165,79 sharshy metr bolatyn eki qabatty qosalqy ǵımaratyn keńeıtý kezinde jekeshelendirý jáne 1 gektardan astam jer telimin berý barysynda anyqtalǵan zań buzýshylyqtar negiz boldy.

- Oqý orny jumysyn jalǵastyrýyna baılanysty mektep balansynda turǵan nysan jekeshelendirýge jatpaıtyndyǵy anyqtaldy. Mámile qoldanystaǵy zańnama talaptaryn buza otyryp jasalǵan, - dep jazdy baqylaýshy organnan.

Sot prokýratýranyń talaptaryn qanaǵattandyryp, satyp alý-satý sharttaryn jaramsyz dep tanydy jáne Qaraǵandy qalasy ákimdiginiń tıisti qaýlysynyń kúshin joıdy. Múlik memlekettik kommýnaldyq menshikke qaıtaryldy.

Sheshim 2025 jylǵy 20 maýsymda zańdy kúshine endi.

Buǵan deıin prokýratýranyń bastamasymen zań buzýshylyqpen berilgen Lenın atyndaǵy kınoteatr da memleket menshigine qaıtarylǵan bolatyn.

Aıta keteıik, Qaraǵandyda jańa týǵan sábıler «saýdasyna» qatysty is qaralyp jatyr.