Qaraǵandyda úıdegi dámhanadan shyqqan tútinnen 31 adam evakýatsııalandy

ASTANA. KAZINFORM — Oqys oqıǵa Qaraǵandy qalasy Qazybek bı aýdany Respýblıka dańǵylynda ornalasqan 17 qabatty turǵyn úıde boldy, dep habarlaıdy TJM baspasóz qyzmeti.

Vedomstvo taratqan aqparatqa sáıkes turǵyn úıdiń birinshi qabatyndaǵy dámhananyń sorǵysh júıesinen tútin shyǵyp, ushqyn atqylaǵany baıqalǵan.

— Oqıǵa ornyna jetken órt sóndirýshiler qaýipsizdik maqsatynda podezden 31 adamdy, onyń ishinde 8 balany evakýatsııalady. Zardap shekkender joq, sebebi anyqtalyp jatyr, — delingen habarlamada.

TJM tótenshe jaǵdaı týyndaǵanda 112 nómirine habarlasý kerektigin eske saldy.

Osydan buryn Astanada da turǵyn úıdegi kafe órtenip, 8 páter turǵyndary zardap shekkeni týraly jazǵanbyz.