Qaraǵandyda úsh kólik soqtyǵysyp, bes adam zardap shekti
QARAǴANDY. KAZINFORM — Qaraǵandy qalasynda úsh kólik soqtyǵysyp, jol-kólik oqıǵasynan zardap shekken 5 adam aýrýhanaǵa jetkizildi.
Oqys oqıǵanyń beınejazbalary áleýmettik jelide jarııalandy.
Oblystyq polıtsııa departamenti baspasóz qyzmetiniń málimetinshe, 5 sáýirge qaraǵan túni Golýbye prýdy kentinde Cobalt, BMW jáne Priora markaly avtokólikter jol apatyna ushyraǵan. Saldarynan bes adam zardap shegip, medıtsınalyq mekemege jetkizildi. Ázirge olardyń jaǵdaıy týraly naqty málimet joq.
— Polıtsııa departamenti júrgizýshilerge jol qozǵalysy erejelerin qatań saqtap, jyldamdyqty shekten tys asyrmaýdy eskertedi. Jolda qyraǵy jáne muqııat bolyńyz, — dedi vedomstvonyń baspasóz hatshysy Baqytjan Qudııarov.
Buǵan deıin Qaraǵandynyń joldarynda 800-den astam quqyq buzýshylyq anyqtalǵany týraly jazǵan bolatynbyz.