Qaraǵandyda «Úmit Samǵaý» qarjy pıramıdasyn uıymdastyrǵandar tergelip jatyr

ASTANA. KAZINFORM – Qarjy monıtorıngi agenttiginiń Qaraǵandy oblysy boıynsha departamenti «Úmit Samǵaý» qarjy pıramıdasyn qurý jáne oǵan basshylyq etý faktisi boıynsha sotqa deıingi tergep-tekserý júrgizip jatyr.

Tergeý málimetinshe, atalǵan kompanııa óz qyzmetin jalǵyzbasty analarǵa, kópbalaly jáne az qamtylǵan otbasylarǵa kómek kórsetetin qaıyrymdylyq jobasy retinde kórsetken.

Azamattarǵa salǵan qarajatynyń 300 paıyzdan 800 paıyzǵa deıin tabys ákeletini jóninde ýáde berilip, ártúrli «salym túrleri» usynylǵan. Joba sharttary boıynsha salym kólemi neǵurlym joǵary bolsa, tabys ta soǵurlym kóp bolatyny aıtylǵan.

- Qatysýshylarǵa tólemder naqty kásipkerlik qyzmet esebinen emes, jańa salymshylardyń qarajaty esebinen júrgizilgen.

Qylmystyq shemaǵa uıymdastyrýshynyń týystary men tanystary «dropperler» retinde tartylyp, olardyń atyna tirkelgen banktik kartalar men shottarǵa salymshylardyń aqshasy qabyldanǵan.

Nátıjesinde qarjy pıramıdasyna 400-den astam azamat tartylyp, jınalǵan qarajattyń jalpy kólemi 100 mıllıon teńgeden asqan, - dep jazdy QMA-dan.

Sot sanktsııasymen kúdiktiniń páteri men avtokóligine tyıym salyndy.

Tergeý amaldary jalǵasýda. QR Qylmystyq-protsestik kodeksiniń 201-babyna sáıkes ózge aqparat jarııa etilmeıdi.

Aıta keteıik, buǵan deıin Qyzylorda oblysynda qarjy pıramıdasyn uıymdastyrýshynyń zańsyz áreketi áshkerelendi.