Qaraǵandyda ýlanǵan balalardyń jaı-kúıi qalaı
QR Densaýlyq saqtaý mınıstri Ajar Ǵınııat Qaraǵandy oblysynyń balalarǵa arnaýly áleýmettik qyzmet kórsetý ortalyǵynda ýlanǵan balalardyń qazirgi jaǵdaıyn aıtyp berdi, dep habarlaıdy QazAqparat.
«Qazirgi ýaqytta bes bala emdelip jatyr. Negizgi dıagnoz – ýly zatpen ýlaný boıynsha barlyq bala saýyqty. Balalar ońaltý bóliminde jatyr. Olar 21 kún boıy ońaltý kýrsyn alady. Oqıǵa sebebin anyqtaý boıynsha tergeý organdary, onyń ishinde prokýratýra áli de tekserý júrgizýde. Tekserý aıaqtalǵan joq», - dedi Densaýlyq saqtaý mınıstri Úkimette ótken baspasóz máslıhatynda.
Sondaı-aq, medıtsınalyq-áleýmettik ortalyq qyzmetkerleri jumysqa qaıta oralǵan.
«Olar tergeýge shaqyryldy, sondyqtan jumysy ýaqytsha toqtatylǵan edi. Qazir jumystaryna qaıta oraldy», - dedi Ajar Ǵınııat.
Aıta keteıik, Qaraǵandy oblysynyń balalarǵa arnaýly áleýmettik qyzmet kórsetý ortalyǵynda balalardyń jappaı ýlaný deregi tirkelgen edi. Saldarynan bir bala qaıtys bolyp, 6-ýy ýlandy.
