Qaraǵandyda tasqynnan kelgen zalaldy esepteý aıaqtaldy
ASTANA. KAZINFORM – Qaraǵandy oblysynda sý tasqynynan zardap shekken 60 úıdiń barlyq shyǵyndary ótedi. Bul týraly oblys ákiminiń orynbasary Baýyrjan Asanov aıtty.
Qaraǵandy oblysynda 4 aýylynda 60 úı sý tasqynynan zardap shekken bolatyn jáne 89 mal shyǵyny anyqtalǵan.
Veterınarılyq-sanıtarlyq normalardy saqtaı otyryp, shyǵyn bolǵan barlyq mal basy mal qorymy aýmaǵynda órtelgen.
«Sý tasqynynan zardap shekken 60 otbasyǵa 100 AEK mólsherinde birjolǵy áleýmettik kómek tólendi. Sonymen qatar, zaqymdanǵan jeke múlikterdiń ótemaqysy tolyǵymen óteldi. Shyǵyn bolǵan maldyń orny toltyryldy», — dedi Baýyrjan Asanov respýblıkalyq aqparattyq shtabta ótken brıfıngte.
Akkredıttelgen uıym sý basqan obektilerge baǵalaý jáne tehnıkalyq tekserý júrgizdi.
Qazirdiń ózinde barlyq turǵyn úı men múlikke qorytyndy berildi.
«Úsh aýyldaǵy 6 úı apatty dep tanylǵan bolatyn. 5 otbasyna osy aýyldarda turǵyn úı satyp alyndy, ázirge bir otbasy qonystandy. Sondaı-aq, bir úı jańadan salynady. Qurylysqa jer ýchaskesin tańdaý aktisi júrgizildi. Úıdiń qurylysy kelesi aptada bastalady. Qalǵan 54 úı jóndeýden ótedi. Bul jumystar úshin ótemaqy turǵyndarmen kelisildi jáne tólendi. Oblysta sý tasqyny saldaryn joıý jumystary jalǵasýda jáne turaqty baqylaýda», — dedi spıker.
