Qaraǵandyda sorǵy stansasyndaǵy aqaýdan úılerde jylý azaıdy

Qaraǵandy kósheleriniń birindegi jylý jelisinde aqaý paıdy boldy. Oǵan sorǵy stantsııasyndaǵy kerneýdiń aýytqýy sebep boldy. Qazirgi ýaqytta mamandar apattyń aýqymyn anyqtap jatyr, dep habarlaıdy Kazinform tilshisi.

«Teplotranzıt Qaraǵandy» JShS-de kerneýdiń aýytqýy saldarynan Dúısembekov kóshesindegi «Panel-Tsentr» jylý sorǵy stantsııasynda qysqa merzimdi kidiris bolyp, sorǵy agregattary óz betinshe iske qosylǵan. Saldarynan qysymnyń kúrt kóterilýine baılanysty gıdrosoqqy týyndady. Sodan Áshimov kóshesindegi jylý jelisinda aqaý paıda boldy» dep habarlady kompanııanyń baspasóz qyzmetinen. 

Seriktestik qyzmetkerleri aqaýdyń sıpatyn anyqtaý maqsatynda sý aıdaý jumystaryn júrgizip jatyr.

Aqaýdy joıýǵa 2 avarııalyq brıgada, 8 tehnıka jumyldyryldy.

Jumys jedel rejımde júrip jatyr. 

«Tutynýshylar jylýmen jabdyqtaýdyń tómendetilgen rejımine aýystyryldy», - dep málimdedi kompanııadan.