Qaraǵandyda iri kólemdegi esirtki arnasy áshkerelendi
ASTANA. KAZINFORM — QMA Qaraǵandy oblysy boıynsha departamenti prokýratýranyń úılestirýimen iri kólemdegi esirtki zattaryn zańsyz tasymaldaý dereginiń jolyn kesti.
Baqylap jetkizý ádisimen júrgizilgen arnaıy operatsııa barysynda Taıland Koroldiginen esirtki arnasyn uıymdastyrǵan azamat anyqtalyp, áshkerelendi.
Qylmystyq áreketin jasyrý maqsatynda kúdikti óziniń tanysy — kámeletke tolmaǵan jasóspirimdi «drop» retinde paıdalanyp, esirtki salynǵan poshtalyq sálemdemeni «Qazposhta» AQ arqyly onyń atyna rásimdegen.
— Jeke tintý kezinde odan 1,3 keli esirtki zaty — kannabıs WAX tárkilendi. Tergeý barysynda kúdiktiniń Qaraǵandy qalasynda Telegram messendjeri arqyly «jertóle» ádisimen esirtki taratqany da anyqtaldy, — delingen QMA habarlamasynda.
Qazirgi ýaqytta kúdikti eki aı merzimge qamaýǵa alyndy.
Tergeý jalǵasyp jatyr.
Qylmystyq-protsessýaldyq kodekstiń 201-babyna sáıkes basqa aqparat jarııa etýge jatpaıdy.
Aıta ketelik esirtki taratty dep kúdikke ilingen qazaqstandyqtar Chernogorııada qamaýǵa alyndy.
