Qaraǵandyda polıtsııa qaýipti oıyn uıymdastyrǵan jasóspirimdi izdestirip jatyr
QARAǴANDY. KAZINFORM — Áleýmettik jelilerge monıtorıng júrgizý barysynda Qaraǵandy oblysynyń polıtseıleri kópqabatty turǵyn úıdiń tóbesinde belgisiz jasóspirimniń kirpishterdi qalap qoıǵanyn beıneleıtin vıdeo anyqtady.
Mundaı áreketter azamattardyń ómiri men densaýlyǵyna eleýli qaýip tóndiredi.
Atalǵan derek boıynsha quqyq buzýshynyń jeke basyn anyqtaý sharalary júrgizilip jatyr.
— Balanyń jeke basy anyqtalǵannan keıin, jasóspirimniń ata-anasy bala tárbıesine tıisti dárejede kóńil bólmegeni úshin zańda kózdelgen jaýapkershilikke tartylady, — delingen habarlamada.
Qaraǵandy oblysynyń polıtsııa departamenti aınalaǵa qaýip tóndiretin kez kelgen áreket qatań sharalar arqyly toqtatylatynyn eskertedi.
— Ata-analarǵa balalardyń júris-turysyn muqııat qadaǵalap, mundaı quqyqbuzýshylyqtarǵa jol bermeý qajettigin qatań túrde eske salady, — delingen polıtsııa habarlamasynda.
Aıta ketelik Balqash qalasyndaǵy mektepterge jarylǵysh zattar qoıyldy degen habarlama taraǵan edi.