Qaraǵandyda ońaltý, erte aralasý jáne aýtızm ortalyǵy ashyldy
Qaraǵandyda resmı iske qosylǵan nysan Qor ınklıýzıvti qoǵamdy damytý maqsatynda qolǵa alǵan ońaltý, erte aralasý jáne aýtızm ortalyqtarynyń 35-shisi bolyp otyr. Osylaısha búginde tolyq 3 jylda 40 myńǵa jýyq bala ońaltýdan ótip úlgerdi. Olardyń 3070-i alǵashqy qadamyn jasasa, 4162 búldirshin birinshi sózderin aıta bastady.
Qaraǵandy qalasyndaǵy Kenshiler dańǵyly, 83 mekenjaıyndaǵy erte aralasý ortalyǵy jyl saıyn neıro-ortopedııalyq aýrýlary jáne olardyń paıda bolý qaýpi bar 3 jasqa deıingi 600 balany qabyldaýǵa qaýqarly. Munda nevropatologtar, ońaltý dárigerleri, jattyǵý terapııasynyń nusqaýshylary, psıhologtar, logopedter jáne kásibı terapevtter toby jumys isteıdi. Balalalarǵa jáne olardyń otbasylaryna kómek kórsetýdiń barlyq kezeńinde senimdi negizi bar tásilder men ádister qoldanylady.
Ortalyq «Samuryq-Qazyna» jáne «Qazaqstan halqyna» qorlarynyń qoldaýymen AQSh, Germanııa, Ulybrıtanııa, Reseı jáne Qazaqstannyń saraptamalyq deńgeıdegi zamanaýı medıtsınalyq ońaltý jáne dıagnostıkalyq quraldarymen jabdyqtalǵan.
«Samuryq-Qazyna» qory 2020 jyldan beri erekshe balalardy ońaltýdan ótkizetin ortalyqtarǵa qarjylaı qoldaý kórsetip keledi. Úsh jyl ishinde biz Qazaqstanda ınklıýzıvti qoǵamdy damytýǵa baǵyttalǵan 15 ońaltý, 14 erte aralasý jáne aýtızmi bar balalarǵa arnalǵan 5 ortalyqtyń tusaýyn kestik. Búgin mine kezekti 35-shi ortalyqty qasıetti kenshiler mekeninde iske qosý buıyrdy. Bul bastama aldaǵy ýaqytta da jalǵasyn tabady. Birlesken eńbektiń jemisin balalar men olardyń ata-analary laıyqty baǵalaıdy dep senemin», - dep atap ótti «Samruk-Kazyna Trust» qorynyń basshysy Alfııa Adıeva.
Qaraǵandy óńirinde múgedektigi bar 5 myńnan astam bala tirkelgen. Múgedektiktiń sebepteri arasynda júıke júıesiniń aýrýlary men týa bitken densaýlyq kinárattary basym. Dál osy dıagnozdary bar balalar erte bastan jáne udaıy túrde keshendi ońaltýda oblys ortalyǵyndaǵy jańa «Qamqorlyq» erte aralasý ortalyǵy qajetke jaramaq.
Jalpy, «Samuryq-Qazyna» AQ kompanııalar tobynyń biryńǵaı qaıyrymdylyq operatory - «Samruk-Kazyna Trust» áleýmettik jobalardy damytý qory, Qaraǵandy oblysynda 2016 jyldan beri 1,1 mlrd teńgege 17 áleýmettik jobany iske asyrdy.
