Qaraǵandyda munaı ónimderin zańsyz saqtaǵan kásiporynǵa 7 mıllıon aıyppul salyndy

QARAǴANDY. 

KAZINFORM — 8 aı boıy II sanattaǵy nysandar úshin ekologııalyq ruqsatsyz munaı ónimderin saqtaýmen jáne satýmen aınalysqan iri kásiporyndardyń birin anyqtady. Bul týraly Bas prokýratýra málim etti.

— Bul ekologııalyq zańnamany buzý bolyp tabylady (Ekologııalyq kodekstiń 106 jáne 120-baptary) jáne sonyń saldarynan atmosferaǵa kólemi 90 tonnadan asatyn lastaýshy zattardyń shyǵaryndylary túsken. Qadaǵalaý organy kásiporynǵa qatysty Ákimshilik quqyq buzýshylyq týraly kodekstiń 328-babynyń 1-bóligi boıynsha ákimshilik is qozǵap, materıaldar Ákimshilik quqyq buzýshylyq jónindegi mamandandyrylǵan aýdanaralyq sotqa joldandy, —delingen habarlamada.

Prokýratýra dereginshe, quqyq buzýshy óz kinásin moıyndamaǵan. Іs barlyq 3 satydan ótip, tek Joǵarǵy Sot qana túpkilikti núkte qoıdy — kásiporyn ákimshilik jaýapkershilikke tartylyp, oǵan 7 mıllıon teńgeden astam aıyppul salyndy.

Eske sala keteıik, buǵan deıin zańsyz lotereıa oınatty degen kúdikpen ánshi Abaı Begeıdiń qyzy ustalǵanyn jazǵan edik.