Qaraǵandyda qurylys alańynda bir adam qaza tapty
QARAǴANDY. KAZINFORM — Qaraǵandyda salynyp jatqan kópqabatty úıde lıft qulap ketti. Saldarynan bir adam qaza taýyp, taǵy bir adam aýyr halde aýrýhanaǵa jetkizildi, dep habarlaıdy Kazinform agenttiginiń tilshisi.
Qaıǵyly oqıǵa Build Invest qurylys kompanııasy salyp jatqan turǵyn úı kesheninde bolǵan. Qurylys alańynda lıft qulap, saldarynan eki adam zardap shegip, onyń berýi qaza boldy.
«Qaraǵandyda salynyp jatqan turǵyn úı kesheni nysandarynyń birinde bolǵan oqıǵa boıynsha, baıqaýsyzda adamnyń ólimine nemese ózge de aýyr zardaptarǵa ákep soqqan taý-ken nemese qurylys jumystaryn júrgizý kezinde qaýipsizdik erejelerin buzý faktisi boıynsha qylmystyq is qozǵaldy. Qazirgi ýaqytta birqatar saraptamalar taǵaıyndaldy. Mán-jaı anyqtalýda», — dep habarlady Qaraǵandy oblysy PD baspasóz qyzmeti.
Densaýlyq saqtaý basqarmasynda zardap shekken ekinshi jumyskerdiń jaǵdaıy týraly málimet berdi.
«Bir patsıent professor H. J. Maqajanov atyndaǵy kópsalaly aýrýhanaǵa jan saqtaý bólimine jatqyzyldy. Jaǵdaıy aýyr», — dep málimdedi vedomstvodan.
