Qaraǵandyda Qurban aıtta mal soıatyn oryndar anyqtaldy

QARAǴANDY. KAZINFORM - Qaraǵandyda Qurbat aıtta mal soıýǵa arnlaǵan resmı úsh núkte belgilendi.

Bıyl Qurban aıt merekesi juma, 6 maýsymda atap ótiledi. Qaraǵandyda qurbandyq shalý úshin arnaıy jabdyqtalǵan oryndar daıyndaldy.

Qalada bar-joǵy osyndaı úsh oryn bar:

- Reznık kóshesi, 18 (JK «Ábisheva A. O».);

- Gogol kóshesi, 2/23 («Araı kz» JShS);

- Seıfýllın kóshesi, 53 («Hasenov» ShQ).

Qazaqstan musylmandary dinı basqarmasy qurbandyqqa shalý úshin arnaıy saıt iske qosylǵanyn jarııalaǵan bolatyn – qurban.muftyat.kz portalynan janýarlardy tańdap, tólem jasaýǵa bolady

Qoshqarlardy jáne eshkilerdi bir adam qurbandyqqa shalatyn bolsa, iri qara mal men túıelerdi jeti adamǵa deıin birigip, qurban etýge ruqsat etiledi.

Qurbandyq shalǵannan keıin tapsyrys berýshilerge rásim barlyq erejege saı júrgizilgenin rastaıtyn beıne jáne fotoesep beriledi. Qurbandyq eti dástúrli túrde muqtaj jandarǵa taratylady.

Osyǵan deıin Oral, Aqtóbe, Petropavl jáne Shymkent qalalarynda Qurban aıt merekesine oraı mal soıýǵa arnalǵan resmı oryndar belgilengeni jaıly jazǵan bolatynbyz.

Qazaqstan musylmandary dinı basqarmasy el óńirlerindegi Qurban aıt namazynyń kestesin jarııalady.