Qaraǵandyda quny 52 mln teńge bolatyn zańsyz alkogol men temeki anyqtaldy

Qaraǵandy oblysy boıynsha Memlekettik kirister departamentiniń zańsyz aktsızdeletin ónimdi anyqtaý boıynsha kezekti reıdtik is-sharalary kezinde iri kólemdegi taýarlar tárkilendi, dep habarlaıdy Kazinform.

Aǵymdaǵy jyldyń qazan aıynyń basynda júrgizilgen tekserýler barysynda tıisti lıtsenzııasyz 1077 bótelke alkogol, 26 000-nan astam zańsyz temeki ónimi anyqtaldy jáne tárkilendi.

"Aldyn-ala baǵalaý boıynsha zańsyz aınalymnan alynǵan taýarlardyń jalpy naryqtyq quny shamamen 52 mln teńgeni quraıdy. Kináli adamdar jaýapqa tartylady", - dep jazdy departamentten.

Esterińizge sala keteıik, aktsızdeletin ónimniń zańsyz jáne kontrafaktilik aınalymy zań boıynsha qýdalanady, iri aıyppuldan (500 AEK deıin) bólek, quqyq buzýshylardy lıtsenzııasynan aıyra otyryp, alynǵan taýarlardy tárkileý qaýpi tónip tur.