Qaraǵandyda kópqabatty úıdiń shatyryna kirpish qoıǵan jasóspirim ustaldy
ASTANA. KAZINFORM – Qaraǵandy oblysynda polıtseıler turǵyndardyń ómiri men densaýlyǵyna qaýip tóndirgen jasóspirimdi anyqtady, dep habarlaıdy polıtsııa departamentiniń baspasóz qyzmeti.
Áleýmettik jelilerde taraǵan beınejazbada jasóspirimniń kópqabatty úıdiń tóbesine kirpishterdi qasaqana qoıǵany kórsetilgen. Polıtsııa jedel túrde onyń jeke basyn anyqtady.
Buzaqylyq áreketke barǵan 15 jastaǵy qala turǵyny ata-anasynyń birimen birge polıtsııa bólimine jetkizildi.
- Jasóspirimmen profılaktıkalyq áńgime júrgizilip, ol ishki mektep esebine qoıyldy. Al onyń zańdy ókiline qatysty «Kámeletke tolmaǵannyń usaq buzaqylyq jasaýy» babymen ákimshilik is qozǵalyp, materıaldar sotqa joldandy, - delingen aqparatta.
Polıtsııa mundaı áreketterdiń joly qatań kesiletinin eskertedi. Qoǵamdyq qaýipsizdikke qater tóndiretin kez kelgen is-áreket úshin quqyq buzýshylar dereý anyqtalyp, zańǵa sáıkes jaýapqa tartylady.
Aıta keteıik, Qaraǵandyda polıtsııa qaýipti oıyn uıymdastyrǵan jasóspirimdi izdestirip jatyr.