Qaraǵandyda kólik júrgizip kele jatqan er adam ınsýlt aldy

ASTANA. KAZINFORM – Qaraǵandyda polıtseıler ınsýlt alyp esinen tanǵan júrgizýshini qutqardy. Oqıǵa Maıqudyqta boldy.

8 naýryz kúni Qaraǵandy qalalyq PB patrýldik polıtsııa polkiniń ınspektorlary Muqajan Aqjarken men Berik Keńesov júrgizýshini qutqaryp qaldy. Polıtseıler qala aýdandarynyń birinde kezekshilik atqaryp júrgende saǵat 15:00-ge qaraı olarǵa kólik kelip, júrgizýshisi 19-shy shaǵyn aýdan kósheleriniń qıylysynda tótenshe jaǵdaı oryn alǵanyn habarlady. Polıtseıler oqıǵa ornyna birneshe mınýtta jetti. 

«Qıylysta jol jıegine shyǵyp ketken kólikti kórdik. Kólik onyń ústine ilinip, bir dóńgelegi aınalyp turǵan. Kóliktiń esigi qulyptaýly edi. Men aldyńǵy jolaýshy jaǵyndaǵy tereze áınegin syndyryp, salonǵa tústim. Іshtegi er adamdy syrtqa alyp shyqtyq. Odan ınsýlt belgileri anyq boldy - júrgizýshide qurysýlar bolyp, al tili tynys alý joldaryn bitep tastady. Biz mundaı jaǵdaılarda qalaı áreket etý kerektigin bilip, er adamǵa alǵashqy medıtsınalyq kómek kórsettik. Ol bizdiń kóz aldymyzda esin jııa bastaǵanda, jeńil dem aldyq. Osydan keıin er adam medıtsınalyq mekemege jetkizildi. Dárigerlerdiń aıtýynsha, onyń jaǵdaıy óte aýyr bolǵan. Polıtseıler birneshe mınýt keshikse, úlgere almas edi. Qazir dárigerler naýqastyń jaǵdaıyn turaqty dep baǵalap otyr», - deıdi Muqajan Aqjarken.

Júrgizýshi ınsýlt alǵany belgili boldy. Dárigerlerdiń aıtýynsha, onyń jaǵdaıy óte aýyr bolǵan. Qazirgi tańda dárigerler naýqastyń jaǵdaıyn turaqty dep baǵalap otyr.