Qaraǵandyda kólik kıikterdi qaǵyp ketip, jolaýshy zardap shekti

ASTANA. KAZINFORM — 17 mamyr saǵat 03:00 shamasynda Qaraǵandy oblysy, Oshaǵan aýylynyń mańynda «Astana — Qaraǵandy (aınalma) — Almaty» avtojolynyń 1395 shaqyrymynda jol apaty boldy, dep habarlaıdy «QazAvtoJol» UK.

— Temirtaý qalasy baǵytynda ketip bara jatqan VAZ markaly avtokóligi kıiktermen soqtyǵysyp, onyń saldarynan jolaýshy zardap shegip, jedel kómek kórsetý úshin aýdandyq aýrýhanaǵa jetkizildi, — delingen habarlamada.

Kompanııanyń baspasóz qyzmeti málim etkendeı, apat bolǵan ýchaskede jol ýchaskesi qurǵaq, taza jáne tegis. Qozǵalysqa shekteý qoıylmaǵan jáne jol belgileri normatıvtik talaptarǵa saı qoıylǵan. Avtojoldyń boıynda janýarlardyń shyǵyp ketpeýi úshin torlar ornatylǵan.

— Aldyn ala málimetter boıynsha kıikterdiń jappaı qozǵalýyna baılanysty torlardyń bir bóligi buzylyp, jabaıy ańdardyń jolǵa shyǵýyna sebep boldy. Qazir qalypqa keltirý jumystary júrgizilip, joldyń basqa da ýchaskeleri tekserildi. Qaýipsiz qozǵalysty qamtamasyz etý úshin qabyldanyp jatqan sharalarǵa qaramastan, júrgizýshilerge qarańǵy kezde muqııat bolyp, jyldamdyq rejımin saqtaý qajet. Sondaı-aq, joldyń júris bóligine jabaı ańdardyń jáne úı janýarlarynyń shyǵyp ketý múmkindigin eskerý kerek, — dep eskertti vedomstvo.

Budan buryn habarlanǵandaı, Mataı stansasyndaǵy temirjol ótkelinde kólik poıyzben soqtyǵysty.