Qaraǵandyda qatty jelden úılerdiń shatyry ushyp, 1 500 turǵyn jaryqsyz qaldy

ASTANA. KAZINFORM – 7 qarashada Qaraǵandyda uıytqyp soqqan qatty jeldiń saldarynan elektrmen jabdyqtaý júıesinde tehnologııalyq aqaýlar paıda boldy. 

«Qaraǵandy Jaryq» JShS málimetinshe, saǵat 09:30-da «Jańa qala» qosalqy stantsııasynda №14 fıder isten shyǵyp, saldarynan Jambyl, Sátbaev, Abaı, Kostenko jáne t.b. kóshedegi úılerdiń elektr jaryǵy óship qaldy. 1 450 jeke jáne 43 zańdy tulǵa jaryqsyz qaldy. 

Elektrmen jabdyqtaýdy qalpyna keltirý jumystary aýa raıynyń qolaısyzdyǵyna baılanysty qıyndaǵan. Alaıda barlyq komanda kúsheıtilgen rejımge kóshti. Saǵat 10:45-ke qaraı úılerge jaryqty jartylaı qosýǵa múmkindik týdy. Qazirgi kezde jumys jalǵasyp jatyr.

Sonymen qatar ákimdiktiń habarlaýynsha, qalada kópqabatty 3 úıdiń shatyry ushyp ketken. Ataı aıtqanda, «Syrdarııa» turǵyn úı keshenindegi úıdiń shatyry  zaqymdanǵan. Sondaı-aq Golýbye prýdydaǵy shatyrlar jabylyp, basqa jerlerdegi qaýipti elementter joıyldy. 

Qazirgi kezde jaǵdaı tolyq baqylaýǵa alyndy. Quzyrly organdar apattyń saldaryn joıý jumystaryn júrgizip jatyr.