Qaraǵandyda Halyqaralyq jumysshy jastar forýmy ótti
ASTANA. KAZINFORM - Qazaqstandaǵy Eńbek kúni qarsańynda Qaraǵandy oblysynyń jastar saıasaty máseleleri basqarmasy QR Mádenıet jáne aqparat mınıstrliginiń qoldaýymen Qaraǵandyda Halyqaralyq Jumysshy jastar forýmy ótti.
Forýmda jumysshy jastar ókilderi, kolledjder men joǵary oqý oryndarynyń stýdentteri, ónerkásiptik kásiporyndar men uıymdardyń basshylary – jalpy myńǵa jýyq qatysýshy jınaldy.
Forým jumysyna Qazaqstannyń iri ónerkásip kompanııalarynyń sarapshylary, elimizdiń óńirlerinen delegattar, sondaı-aq Ózbekstan, Qyrǵyzstan, Ázerbaıjan, Túrkııa jáne AQSh-tan kelgen qonaqtar qatysty. Spıkerler qatarynda eńbek qatynastary, korporatıvti kommýnıkatsııalar jáne genderlik saıasat salasyndaǵy jetekshi mamandar boldy.
Іs-shara tájirıbe almasýǵa, eńbek naryǵyndaǵy múmkindikterdi talqylaýǵa, sondaı-aq kásiporyndar, bilim berý mekemeleri men jas mamandar arasynda baılanys ornatýǵa arnalǵan alańǵa aınaldy.
Forýmnyń basty maqsaty — jastar arasynda jumysshy kásipterin jáne tehnıkalyq mamandyqtardy nasıhattaý, kásibı quzyretti damytý jáne jas mamandar qaýymdastyǵyn qalyptastyrý.
Jastardyń nanym-senimi, dúnıetanymy ártúrli bolsa da olardy tolǵandyratyn máseleler ortaq. Bul týraly Álemdik jáne dástúrli dinder kóshbasshylary VIII Ceziniń jalpy otyrysynda Memleket basshysy Qasym-Jomart Toqaev aıtty.