Qaraǵandyda gaz jabdyǵy jarylyp, úsh adam kúıip qaldy

QARAǴANDY. KAZINFORM — Qaraǵandyda gaz tarsylynan eki adam reanımatsııaǵa, bireýi kombýstologııa bólimine túsip qaldy.  

Tótenshe jaǵdaı 13 qyrkúıek saǵat 14.37-de Qaraǵandydaǵy Prıgorodnaıa kóshesinde jer úıde bolǵan. Gazgolderdi toltyrý kezinde kenetten atylǵan. 

— Jer úıdiń garajynda gaz jabdyqtaryn toltyrý kezinde gaz-aýa qospasynyń tarsyly boldy. TJD málimetinshe, gaz jabdyqtary salystyrmaly túrde jaqyn ornatylǵan. 3 adam zardap shekti, — dedi Qaraǵandy turǵyn úı ınspektsııasy bóliminiń basshysy Temirlan Ábilqasymov.

Apattar medıtsınasy ortalyǵynyń shuǵyl brıgadasy oqıǵa ornynda bir adamǵa jedel alǵashqy medıtsınalyq kómek kórsetti, ol Maqajanov atyndaǵy kópsalaly aýrýhanaǵa jetkizilgen. 

Densaýlyq saqtaý basqarmasy zardap shekkenderdiń jaǵdaıy týraly aıtyp berdi.

— Eki naýqas reanımatsııaǵa jatqyzyldy, jaǵdaıy aýyr. Úshinshi patsıent kombýstıologııa bóliminde, ortasha aýyr jaǵdaıda. Úsh patsıenttiń de termııalyq kúıigi bar, reanımatsııadaǵy naýqastardyń jasy — 21 jáne 52-de, — dep habarlady basqarmanyń baspasóz qyzmeti.