Qaraǵandyda esirtkige qarsy aktsııa kezinde 2 myńnan astam graffıtı joıyldy
QARAǴANDY. KAZINFORM – Qaraǵandy qalasynda «Esirtkige qarsy birge kúreseıik» uranymen keń kólemdi esirtkige qarsy aktsııa ótkizildi.
Іs-sharany qalalyq polıtsııa basqarmasy uıymdastyrdy. Naýqannyń negizgi maqsaty – jastar arasynda esirtkige qarsy turaqty ustanym qalyptastyrý, quqyqtyq saýattylyqty arttyrý jáne qoǵamdy esirtki quqyqbuzýshylyqtarynyń aldyn alýǵa jumyldyrý. Aktsııaǵa tehnıkalyq jáne kásiptik bilim berý mekemeleriniń 500-den astam stýdenti, sondaı-aq eriktiler men jastar uıymdarynyń ókilderi qatysty.
Іs-sharanyń mańyzdy baǵyttarynyń biri esirtki jarnamasyn joıý boldy. Qaraǵandy qalalyq polıtsııa basqarmasynyń basshysy Shahnazar Salınniń habarlaýynsha, birlesken jumystar nátıjesinde tyıym salynǵan zattardy taratýǵa arnalǵan ınternet-resýrstarǵa siltemeleri bar 2 myńnan astam esirtki graffıtıi boıalyp, joıyldy.
Sonymen qatar aktsııa barysynda turǵyndar arasynda keń aýqymdy túsindirý jáne profılaktıkalyq jumystar júrgizildi. Qala turǵyndaryna esirtki zııany, esirtki qylmystaryna qatysqandarǵa qatysty qylmystyq jaýapkershilik jáne olardyń taralýyna qarsy is-qımyl tásilderi túsindirildi. Aqparattyq jáne tanymdyq materıaldar taratyldy.
Polıtsııa aktsııaǵa belsendi qatysqan jáne azamattyq jaýapkershilik tanytqan barlyq qatysýshyǵa alǵys bildirdi. Shahnazar Salınniń aıtýynsha, esirtki qylmystarynyń aldyn alý jáne olarǵa qarsy kúres sharalary óńirde júıeli túrde jalǵasyn tabady.
Eske sala keteıik, buǵan deıin Qyzylorda oblysynda esirtki jarnamalaǵan 115 saıt buǵattalǵanyn habarlaǵanbyz.
