Qaraǵandyda esirtki saýdalaǵandar ustaldy

QARAǴANDY. KAZINFORM – Qaraǵandyda esirtki saýdasymen aınalysqandar ustaldy, dep habarlaıdy Polisia.kz.

Qarasha aıynyń sońynda oblystyń polıtsııa qyzmetkerlerimen prokýratýranyń birlesken jedel-izdestirý is-sharalarynyń nátıjesinde 41 jáne 53 jastaǵy Qaraǵandy qalasynyń turǵyndary ustaldy. Ustalǵandar qala aýmaǵynda esirtki satýdy uıymdastyrdy degen kúdikke ilindi. Jedel áreketterdiń nátıjesinde zańsyz aınalymnan esirtki tárkilendi.

Saraptama qorytyndysyna sáıkes alynǵan zattyń 7,6 keli gashısh ekeni belgili boldy. Kúdiktilerge qatysty Qazaqstan Respýblıkasy Qylmystyq kodeksiniń 297-baby 3-tarmaǵyna sáıkes qylmystyq is qozǵaldy.

Qazirgi ýaqytta olar ýaqytsha ustaý ızolıatoryna qamaldy. Polıtsııa esirtki zattaryn satý aýyr qylmys sanatyna jatatynyn jáne ol úshin qylmystyq jaýapkershilik qarastyrylyp, 10 jyldan 20 jylǵa deıin bas bostandyǵynan aıyrý jazasy kózdelgenin eske salady.

Jyl basynan bastap Qaraǵandy oblysy aýmaǵynda esirtki zattaryn taratý jáne graffıtı arqyly jarnamalaýdyń bes deregi anyqtalyp, ustalǵandar jaýapkershilikke tartyldy. Sondaı-aq oblys aýmaǵynda iri kólemdegi esirtki zerthanasy joıylyp, 1 tonnadan astam prekýrsor men 10 keliden astam daıyn esirtki tárkilendi.

Buryn habarlanǵandaı, Oralda eki sheteldik azamat esirtki zerthanasyn uıymdastyrǵan.