Qaraǵandyda er adamdy júk poıyzy qaǵyp ketti
QARAǴANDY. KAZINFORM — Qaraǵandy — Suryptaý stantsııasynda júk poıyzy er adamdy qaǵyp, ol oqıǵa ornynda kóz jumdy. Atalǵan fakti boıynsha kóliktegi polıtsııa qylmystyq is qozǵap, tergeý júrgizip jatyr.
Qaıǵyly jaǵdaı 1 qyrkúıek kúni saǵat 16:20 shamasynda bolǵan. Qaraǵandy — Suryptaý temirjol stantsııasynda júk poıyzy 1992 jyly týǵan er adamdy qaǵyp ketken. Ol alǵan aýyr jaraqattarynyń saldarynan oqıǵa ornynda qaıtys boldy.
Kóliktegi polıtsııa departamentiniń habarlaýynsha, osy derek boıynsha qylmystyq is qozǵalǵan.
— Bıylǵy 1 qyrkúıekte Kóliktegi polıtsııa basqarmasy Qaraǵandy — Suryptaý stantsııasynda temirjol kóliginiń qozǵalysy nemese ony paıdalaný qaýipsizdigi qaǵıdalaryn buzý faktisi boıynsha qylmystyq is qozǵady. Abaısyzda adam ólimine ákep soqqan oqıǵanyń sebepteri men mán-jaılaryn anyqtaý maqsatynda qazirgi ýaqytta qajetti tergeý áreketteri júrgizilip jatyr, — dep habarlady Kóliktegi polıtsııa departamenti.
Polıtsııa QR Qylmystyq-protsestik kodeksiniń 201-babyna sáıkes, tergeý múddesine baılanysty ózge aqparat jarııa etýge jatpaıtynyn málimdedi.
Aıta keteıik, buǵan deıin Atyraýda poıyz qaǵyp ketken er adam kóz jumǵanyn habarlaǵanbyz.
