Qaraǵandyda energetıkalyq nysandardyń jaı-kúıin drondar tekserip jatyr
ASTANA. KAZINFORM — Energetıka mınıstrliginiń Memlekettik energetıkalyq qadaǵalaý jáne baqylaý komıtetiniń Qaraǵandy oblysy boıynsha aýmaqtyq departamenti energetıkalyq nysandardy tekserý barysynda ushqyshsyz ushý apparattaryn qoldanyp jatyr.
Vedomstvonyń málimetinshe, drondardy paıdalaný elektr berý áýe jelilerin, ǵımarattar men qurylystardy, tútin murjalaryn jáne basqa da qoljetimdiligi qıyn ýchaskelerdi kózben sholyp tekserýge múmkindik beredi.
— Aerofoto jáne beınetúsirilim jabdyqtardyń tehnıkalyq jaı-kúıin egjeı-tegjeıli baǵalaýǵa, aqaýlardy der kezinde anyqtaýǵa, sondaı-aq tekserý nátıjelerin keıingi taldaý úshin tirkeýge múmkindik beredi, — delingen habarlamada.
Zamanaýı tehnologııalardy qoldaný memlekettik energetıkalyq baqylaýdyń jedeldigi men tıimdiligin arttyryp, óńirdiń energetıkalyq ınfraqurylymynyń senimdi jumysyn qamtamasyz etýge yqpal etedi.
Eske salaıyq, buǵan deıin drondar men jasandy ıntellekt energetıkadaǵy aqaýlardy erte anyqtaýǵa múmkindik beretinin jazǵanbyz.
