Qaraǵandyda eki jasar bala terezeden qulap, mert boldy

QARAǴANDY. KAZINFORM —  Qaraǵandy qalasynda kópqabatty úılerdiń birinde jetinshi qabattan eki jasar sábı qulap tústi. Bala oqıǵa ornynda kóz jumdy.

Qaıǵyly oqıǵa búgin Qurylysshylar dańǵyly boıyndaǵy 9 qabatty turǵyn úıde bolǵan.

— Eresekterdiń qaraýynsyz qalǵan 2023 jyly týǵan bala 7-qabatyndaǵy páterdiń terezesinen qulap ketti. Ókinishke qaraı, bala oqıǵa ornynda kóz jumdy, — dep málim etti Qaraǵandy oblysy TJD baspasóz qyzmeti.

Kópqabatty úılerdiń terezelerinen balalardyń qulaýy jıilep ketýine baılanysty jazataıym oqıǵalardyń aldyn alý maqsatynda Qaraǵandy oblysynyń Tótenshe jaǵdaılar departamenti eskertedi:

— balalardy qaraýsyz qaldyrmańyz;

— ⁠balalar bar páterlerdiń terezelerin arnaıy qorǵanys qurylǵylarymen jabdyqtańyz;

— ⁠balanyń ózdiginen ashylýyna jol bermeý úshin tereze tutqalaryn qulyptańyz;

— eshqashan moskıt torlaryn qoldanbańyz-balalar olarǵa súıenip, olarmen birge qulaıdy;

— ⁠balanyń terezege kóterilýine jol bermeý úshin jıhazdyń barlyq túrlerin terezelerden alystatyńyz.

Osyǵan deıin TJM jyl basynan beri elimiz boıynsha 60 bala terezeden qulaǵanyn habarlaǵan bolatyn.