Qaraǵandyda eki polıtsııa kýágerdi azaptap, kináni moınyna alǵyzbaq bolǵany úshin sottaldy

QARAǴANDY. KAZINFORM – Qaraǵandy oblysy prokýratýrasynyń Sotqa deıingi tergep-tekserý basqarmasy polıtsııa qyzmetkerleriniń kýágerdi azaptaýyna qatysty qylmystyq isti tergedi. Bul týraly Ba prokýratýranyń basó

Azamattyń basqa tulǵanyń densaýlyǵyna ortasha zııan keltirgeni úshin jaýap alý maqsatynda polıtsııaǵa shaqyrylǵany anyqtaldy. Qyzmettik bólmede eki jedel qyzmetker oǵan psıhologııalyq qysym kórsetip, kinásin moıyndaý úshin dene jaraqatyn salǵan. 

— Qaraǵandy oblysynyń Qylmystyq ister jónindegi mamandandyrylǵan aýdanaralyq soty Krımınaldyq polıtsııa bóliminiń aǵa jedel qyzmetkerlerin Qazaqstan Respýblıkasy Qylmystyq kodeksiniń 146-baby 2-bóliginiń 1-tarmaǵyna sáıkes kináli dep tanyp, jazalaryn Qylmystyq-atqarý júıesiniń qaýipsizdigi ortasha mekemesinde óteýmen 3 jylǵa bas bostandyqtarynan aıyrdy, - delingen habarlada.

Sottalǵandar «polıtsııa kapıtany» arnaıy ataqtarynan aıyryldy. Olarǵa jábirlenýshlerdiń ótemaqy qoryna aıyppul tóleý jazasy da taǵaıyndaldy. 

Qaraǵandy oblystyq sotynyń Qylmystyq ister jónindegi sot alqasy úkimdi ózgerissiz, apellıatsııalyq shaǵymdardy qanaǵattandyrýsyz qaldyrdy.

Eske sala keteıik, buǵan deıin Oljas Bektenov polıtsııa kez kelgen, tipti kishigirim quqyq buzýshylyqtarǵa birden den qoıýy tıis  degenin jazǵan bolatynbyz.