Qaraǵandyda eki kólik soqqan jaıaý júrginshi mert boldy

QARAǴANDY. KAZINFORM — Karaǵandada er adamdy eki avtokólik birinen soń biri qaǵyp, saldarynan jaıaý júrginshi oqıǵa ornynda jan tapsyrdy. Quzyrly organdar qazir oqıǵanyń barlyq sebebi men mán-jaıyn jiti zerttep jatyr.

Qaıǵyly oqıǵa 14 qarasha 20:30 shamasynda qalanyń bir kóshesinde tirkeldi. Oblystyq polıtsııa departamentiniń aldyn ala derekterine qaraǵanda, 46 jastaǵy er adam joldy belgilenbegen jerden kesip ótpek bolǵan. Sol sátte Ermekov kóshesimen kele jatqan Skoda markaly avtokóliktiń 37 jastaǵy júrgizýshisi ony qaǵyp ketken. Soqqynyń ekpinimen jaıaý júrginshi qarsy baǵyttaǵy qozǵalys jolaǵyna qulap, dál osy kezde 20 jastaǵy júrgizýshi tizgindegen VAZ kóligi ony ekinshi ret qaǵyp ketken. Jol-kólik oqıǵasy saldarynan alǵan aýyr jaraqatar alǵan er adam medıtsına qyzmetkerleri kelgenshe kóz jumǵan.

Polıtsııa departamenti atalmysh derek boıynsha tergeý bastalǵanyn málimdedi. Tergeýshiler eki júrgizýshiniń áreketterin, sondaı-aq qaıǵyly oqıǵaǵae ákelgen barlyq jaǵdaılardy jan-jaqty tekserip jatyr.

Buǵan deıin Qaraǵandy oblysynda jeti adamnyń ómirin qıǵan jol apatyna kináli júrgizýshige bes jylǵa bas bostandyǵynan aıyrý jazasy taǵaıyndalǵany habarlanǵan bolatyn.