Qaraǵandyda eki avtobýs soqtyǵysyp, 7 adam zardap shekti

Qaraǵandyda eki qalalyq avtobýs soqtyǵysty. Nátıjesinde 7 adam zardap shekti, dep habarlaıdy Kazinform agenttiginiń tilshisi. 

Jazataıym oqıǵa keshe, 28 qarashada saǵat 10:20-da Maıqudyq shaǵyn aýdanyndaǵy K.Marks kóshesinde bolǵan. 

«Korzına» SÚ janynda eki marshrýttyq avtobýstyń qatysýymen jol-kólik oqıǵasy boldy. JKO saldarynan jeti jolaýshy zardap shegip, onyń beseýi medıtsınalyq mekemege jetkizildi.Bul fakt polıtsııada tirkelgen. Tıisti saraptamalar taǵaıyndaldy, olardyń nátıjeleri boıynsha protsessýaldyq sheshim qabyldanady», - dep habarlady Qaraǵandy oblysy PD baspasóz qyzmeti.

Densaýlyq saqtaý basqarmasy zardap shekkenderdiń jaǵdaıy týraly túsinikteme berdi.

«Ártúrli jaraqattarmen 5 patsıent júgindi. Barlyǵy ambýlatorııalyq emdelýge jiberildi», - delingen habarlamada.

Qaraǵandyda eki avtobýs soqtyǵysyp, 7 adam zardap shekti