Qaraǵandyda izdeýde júrgenderdi anyqtaıtyn domofondar ornatyldy

QARAǴANDY. KAZINFORM — Qaraǵandyda pılottyq rejımde birqatar turǵyn úıge izdeýde júrgen adamdardy tanyp, anyqtaı alatyn «aqyldy» domofondar ornatyldy. Bul týraly oblys ákimdiginiń resmı saıtynda jarııalandy.

Oblystyq aqparattandyrý, memlekettik qyzmetter kórsetý jáne arhıvter basqarmasynyń basshysy Konstantın Ilnıtskıı júıe kireberis mańyndaǵy kúdikti azamattardy tirkep, aqparatty avtomatty túrde tıisti qyzmetterge joldaıtynyn aıtty.

— Biz domofondardy derekter bazasyna qosamyz. Eger izdeýde júrgen adam domofon kamerasynyń aldynan ótse, júıe ony birden tanyp, polıtsııaǵa sıgnal jiberedi, — dedi Konstantın Ilnıtskıı.

Bul — óńirde tsıfrlandyrý baǵdarlamasy aıasynda iske asyrylyp jatqan jobalardyń biri. Búginde oblys aýmaǵynda shamamen 4 myń beınebaqylaý kamerasy jumys istep tur.

Buǵan deıin Astanada domofondy kirpishpen syndyryp, bótenniń kóligin búldirgen vandaldar jazalanǵany týraly jazdyq.