Qaraǵandyda qutqarýshylar batpaqqa batqan eki jasóspirimdi aman alyp shyqty
ASTANA. KAZINFORM — Qaraǵandy qalasynyń Qazybek bı aýdanynda batpaqty jerde qalyp qoıǵan eki jasóspirim qutqaryldy, dep habarlaıdy TJM baspasóz qyzmeti.
Oqıǵa garaj massıviniń artyndaǵy aýmaqta bolǵan. 2
010 jáne 2013 jyly týǵan eki qyz joldy qysqartpaq bolyp, batpaqty jerge kirip ketken. Sonyń saldarynan olar ózdiginen shyǵa almaı qalǵan.
— Oqıǵa ornyna TJM Jedel-qutqarý jasaǵy jedel jetip, qyzdardy batpaqtan aman-esen alyp shyqty. Keıin qutqarýshylar olardy úılerine jetkizdi. Zardap shekkender joq, medıtsınalyq kómek qajet bolmaǵan, — delingen habarlamada.
Buǵan deıin BQO-da 9 jastaǵy bala eki inisin órtten qutqarǵanyn jazǵan edik.
