Qaraǵandyda bank ǵımaraty órtendi

ASTANA. KAZINFORM — Oqys oqıǵa Buqar Jyraý dańǵyly boıynda bolǵan, dep habarlaıdy TJM baspasóz qyzmeti.

Qaraǵandy qalasy Buqar Jyraý dańǵyly boıynda ornalasqan toǵyz qabatty turǵyn úıge japsarlasyp salynǵan bir qabatty bankterdiń birinde órt shyqty.

— Qazirgi ýaqytta TJM kúshterimen órt oqshaýlandy. Naqty derekter boıynsha Qaraǵandy qalasyndaǵy Buqar jyraý dańǵylynda ornalasqan bankterdiń birinde elektr symdarynyń oqshaýlaǵyshy, jylý oqshaýlaǵysh materıaldar jáne sándik tóbe jabyndary órtengen, — delingen habarlamada.

Vedomstvo málimetinshe, zardap shekkender týraly aqparat 112-ge túspegen.

Buǵan deıin SQO-da órtten 44 adam mert boldy, onyń altaýy — bala ekeni habarlandy.