Qaraǵandyda balabaqsha esepshileri 15 jyl boıy ózderine artyq jalaqy aýdaryp kelgen

ASTANA. KAZINFORM — Urlanǵan aqshanyń jalpy somasy 300 mıllıon teńgeden asty, dep habarlaıdy Qaraǵandy oblysynyń prokýratýrasynyń baspasóz qyzmeti.

Qaraǵandy oblysynyń prokýratýrasy «№ 33 mektep-bóbekjaı-baqsha kesheni» KMM-de bıýdjet zańnamasynyń saqtalýyna tekserý júrgizdi.

— Tekseris barysynda atalǵan mekemeniń eki esepshisiniń 15 jyl boıy ózderine belgilengen normadan artyq jalaqyny zańsyz aýdarǵandyǵy anyqtaldy. Urlyqtyń somasy 300 mıllıon teńgeden asty. Atalǵan fakti boıynsha sotqa deıingi tergeý amaldary júrgizilýde, — delingen habarlamada.

Buǵan deıin habarlanǵandaı, Qaraǵandy oblysynda kásipkerlerden birneshe ret para alǵan basqarma basshylary sottaldy.