Qaraǵandyda avtobýs qaqqan jaıaý júrginshi mert boldy

Qaraǵandynyń ortalyq kósheleriniń birinde avtobýs jaıaý júrginshini qaǵyp ketti. Jol apaty saldarynan jaıaý júrginshi oqıǵa ornynda qaıtys boldy, dep habarlaıdy Kazinform tilshisi.

Jazataıym oqıǵa búgin, 2 qarasha kúni saǵat 10:50–de Buqar jyraý dańǵylyndaǵy «Shyǵys» bazary mańynda bolǵan. 

39 jastaǵy avtobýs júrgizýshisi jaıaý júrginshini qaǵyp ketti.

«Apat saldarynan 45 jastaǵy jaıaý júrginshi oqıǵa ornynda qaıtys boldy. Jol-kólik oqıǵasy kezinde avtobýs salonynda 15 jolaýshy bolǵan, zardap shekkender joq. Bolǵan oqıǵanyń mán-jaıy anyqtalyp jatyr. Atalmysh fakt polıtsııada tirkelgen. Qajetti saraptamalar taǵaıyndaldy», — dep habarlady Qaraǵandy oblysy PD baspasóz qyzmeti.